* في مصر فقط :
١- لو معاك واسطه وفلوس وانت حمار حتشتغل برضه و حياتك حتبقي فل وتمسك منصب كمان ودنيتك تبقي حلوه وتعيش احسن عيشه في مصر بس لو معاك الاتنين دول..غير كده حتموت من غيرهم .
٢- الناس بقت كلها بتقيم بعض من غير ما تقرب وتعرف بعض وتحس ببعض وتحط نفسها مكان ظروفك عشان يشوفوا هما نفسهم رد فعلهم حيبقي ايه لو هما مكانك لكن مبيعملوش كده .
٣- سواء انت مؤيد او معارض مش شرط حته في سياسه في اي موضوع لازم نهين بعض من غير ما نتناقش بالافكار مش بلسان الزفر .
٣- الارتباط والحب بقي متحدد علي اساس معاك كام وكل ما بقي معاك فلوس اكتر ترتبط بحاجه نظيفه اكتر... مبقاش ب قلبك فيه ايه بقي في جيبك قد ايه وبقي الجمال بيتمن.
٤- الناس بقي عندها كميه امراض نفسيه غريبه من كتر ضغوط الحياه و الهم.. بقوا بيطلعوها علي بعض بدل ما بيساعدوا بعض .
٥- احنا الي طب البيطري عندنا بيقتل الكلاب بدل ما يعقمهم و بيساعد في تصدرهم برا كمان عشان يتاكلوا .
6- انك تكون شخص مؤذي وفيك كل الخرا الي فدنيا الناس تخاف منك وممكن كمان تحبك لكن لو بني ادم عادي في معاملاتك وعلي طبيعتك بفطرتك تبقي شخص عادي بنسبه للناس و ملكش لزمه عندهم .
٧- اكتر مجتمع منافقين مش عارفين يطلعوا شخصيتهم الحقيقه يعيشوها حته لو وحشه خوفا من ناس كله عامل فيها ملاك مع أنه بني ادم بيغلط عادي ازاي بقي لازم يمثل أنه ملاك ويتقن دوره كمان
٨- الحياه هنا متسمحش ليك غير انك تفكر في تأكل وتشرب وتنام وتشتغل غير كده مفيش إبداع تطور في اي حاجه الدنيا كلها بتطلع لقدام واحنا بس بنرجع لورا
9- انك تعيش سعيد وسط ناس كلهم بيحكموا علي بعض وققل شيء غلط تعمله يخليهم ينسوا اي حاجه حلوه ليك و (حبيبك بيبلعلك الظلط وعدوك بيتمني ليك هفوه غلط) مقوله حقيقه ١٠٠ في ١٠٠ .
١٠- تخيل لما تبقي كل أمنيتك تبعد عن وطنك و زكرياتك وكل حاجه عشان تعرف تعيش... بقي في غربتك وطن و في وطنك غربه
١١- فرق كبير مبين وطنك وبلدك ؛ وطنك ده المكان الي اتولدت فيه وبتحمل جنسيته.... بلدك دي ممكن اي مكان علي الارض الي فيها لقمه عيشك و حلمك بيتحقق و راحه بالك وسعادتك
#نفسي_قبل_ما_اموت_اعيش_في_وطن_وبلد_واحد 💔
ليست هناك تعليقات:
إرسال تعليق